YADDA AKE YIN SARKIN DADI YADDA AKE YIN SARKIN DADI Kayan Hadi: Nama Kwai Fulawa Dankali Albasa, Attaruhu Tumatur Tafarnuwa Tsinken sakace Maggi Gishiri Karas Mai Yadda Ake Yi: Zaki samu namanki mai kyau mara kitse ki wanke ki yanka kanana ki jajjaga attaruhu ki zuba akai sai ki zuba dakakkiyar tafarnuwa da curry kisa magi da gishiri ki dora akan wuta yayi ta dahuwa har ruwan ya kone san nan kuma ya dahu. Ki dafa dankali ki yankashi shima a kwance da dan tudu sai ki yanka tumatur shima a slice ki yanka albasa. Sai ki dauko dankali ki soka a jikin tsinken sakace yaje karshe sai ki saka nama shima sai ki soka tumatur sai ki kuma soka nama ki sa karas sai ki kuma saka nama sai ki aje, haka zakiyi harki gama. Sai ki fasa kwai ki kadashi idan 4 ne sai ki zuba fulawa cokali 3 kisa magi ki juya sosai, sai ki dora mai akan wuta ki dauko wannan hadin da kika jera a hankali ki saka a cikin kwan nan ki juya ko ina ya samu sai ki soya ki barshi yayi ja har ki gama.