YANDA AKE MAN KARAS
Mutane da dama a shafukan yanar gizo sun gasgata ingancin wannan mai wajen kara tsaho da laushin gashi. Haka zalika za a iya shafa shi a jiki da daddare idan za a kwanta, wanda a nan ma yana taimakawa fata wajen kara laushi da rage alamun tsufa.
Ga abubuwan da ake bukata
1. Karas
2. Man zaitun ko man kwakwa
3. Fiya (Avocado)
Yadda ake hadawa
1. Da farko za a goga karas din da dan dama sannan a bare fiya guda daya a cire kwallon ciki.
2. A dora kasko a wuta, amma ba mai zafi ba sosai.
3. A zuba man kwakwa ko man zaitun din a cikin kwaskon, shima da dam dama
4. Sai a zuba karas da fiyan a cikin man a barshi ya soyu a cikin man
5. Ana yi ana juyawa a hankali
6. Ya kan dauki lokaci saboda wutar ba mai zafi ake bukata ba.
7. Idan ya soyu, sai a tace shi a bari ya huce.
8. A juye shi a cikin kwalba mai murfi.
Hanyoyin amfani da shi
1. Za a iya shafa shi kwana daya kafin ranar da za a wanke gashi. Idan aka shafa sai a rufe da leda a kwana da shi. Washegari sai a wanke gashin.
2. Za a iya amfani da shi a matsayin man kitso
3. Za a iya shafa shi a jiki da daddare a kwana da shi, da safe a wanke.
Created at 2020-01-07 07:55:12
Back to posts
UNDER MAINTENANCE
Welcome to my new mobile site, Barka da zuwa dan uwana shafin hausa novels sokoto,ka duba sama zaka ga an saka click here to hausa novels kusa da inda aka saka About me to ka danna rubutun kawai ko ka shiga wurin zaka samu sabbin litattafai
"Fear is the mother of foresight."